Пендаровски-Ручи: Албанија е континуиран партнер во обезбедувањето европска перспектива на регионот

Од:

Претседателот на Република Северна Македонија Стево Пендаровски денеска, во рамки на официјалната посета на Република Албанија, оствари средба со претседателот на албанското Собрание Грамоз Ручи, на која биле разменети мислења за севкупните односи меѓу Северна Македонија и Албанија.

На средбата било изразено задоволство од позитивните случувања во однос на конструктивната соработка, демонстрираната посветеност за зајакнување и продлабочување на билатералните и добрососедските односи преку динамизиран и континуиран политички дијалог како на билатерално, така и на мултилатерално ниво.

Претседателот Пендаровски, како што информираат од неговиот кабинет, на сребата истакнал дека нашиот сосед, Република Албанија е континуиран партнер во обезбедувањето на просперитет, стабилност, безбедност и европска перспектива на регионот. Досегашната парламентарна соработка меѓу двете земји е конструктивна и интензивна, а за нејзино продлабочување потребно е интензивирање на контактите помеѓу парламентарните тела и комисии.

Двајцата соговорници оцениле дека двете земјите имаат идентични надворешно-политички цели во врска со регионалната соработка и европските интеграции, кои се значајни предуслови за стабилност и просперитет на регионот.

Заблагодарувајќи се за поддршката на Република Албанија за членство на нашата земја во НАТО, претседателот Пендаровски нагласил дека од голема важност е што двете земји една со друга се поддржуваат и во однос на нивните аспирации за станување рамноправна членка на Европската унија. И покрај фактот дека нашите земји не добија датум за почеток на пристапните преговори на последниот Самит на ЕУ, според претседателот Пендаровски, треба да се продолжи со посветеноста кон остварување на нашите европски аспирации.

На средбата биле разгледани и можностите за продлабочување на билатералната соработка и можностите за унапредување на економските односи.

Би можело да ве интересира

Поради пандемијата 62,5 отсто помалку туристи во август во Албанија

Ана Ололовска

Албанците први во Европа и четврти во светот по барање азил, претседателот Мета вели: Доста е

А1он

Ковид-19 не ги заобиколи ни албанските затвори

Ана Ололовска

Заедничка седница на владите на Албанија и Косово в петок во Скадар

Ана Ололовска

Рама за Дојче веле: Плуралниот систем не е загрозен доколку малцинството не учествува на избори

Ана Ололовска

Мета му порача на владејачкото мнозинство, доколку се обидат да го разрешат, ќе го распушти Парламентот

Ана Ололовска