Пендаровски – Мета: Деблокада на процесот и побрз почеток на преговорите на двете земји за влез во ЕУ

Од:

Претседателот на државата Стево Пендаровски денеска го прими претседателот на Албанија Илир Мета, кој е во посета на земјава, и на средбата разменија мислења за севкупните билатерални односи меѓу двете држави.

dobivaj vesti na viber

-Притоа беше изразено задоволство од нивниот позитивен развој, преку конструктивна соработка и размена на посети на највисоко ниво. Република Северна Македонија и Република Албанија, беше констатирано на средбата, преку посветеноста на добрососедските односи, даваат силен придонес за просперитетот, стабилноста и безбедноста на регионот, како и за неговата европска перспектива. Двете држави, како сојузници во НАТО, даваат свој придонес и во одбраната на вредностите на евроатлантската заедница, соопшти Кабинетот на Пендаровски.

Во контекст на аспирациите за членство во Европската Унија, двајцата претседатели, како што се наведува во соопштението, ја констатираа потребата од деблокирање на процесот и скорешен почеток на пристапните преговори на двете држави за членство во Унијата што, според нив, ќе има позитивен придонес за севкупниот напредок и стабилноста на регионот.

Претседателот Пендаровски упати честитки по повод изборот на Република Албанија за непостојана членка на Советот за безбедност на Обединетите нации во периодот 2022-2023 година.

Би можело да ве интересира

Мета: Стоиме на страна на Украина со надеж за враќање на мирот во Европа

Пендаровски-Левиц: Македонија припаѓа на Европската Унија

Мета: Мрачната прогноза на ММФ за економскиот раст на Албанија аларм за Владата, Собранието и општеството

Пендаровски: Мора да креираме стратегии за различните сценарија кои не очекуваат во годините пред нас

Мета за масовното иселување на младите: Црвен аларм за што поскоро запирање на ова уништувачко истребување на популацијата

А1он

Пендаровски: Во Битола беше направен обид докажан соработник на хитлеровиот нацистички режим да биде претставен како мост на зближување

Катерина Павлова-Николовска