Молдавија идентификува руска активност за „дестабилизација“ на државата

Од:

Молдавските разузнавачки служби објавија дека откриле „дестабилизирачки“ активности откако украинскиот претседател Володимир Зеленски изјави дека е откриен руски план насочен кон поранешната советска република.

„Врз основа на информациите обезбедени од нашиот украински партнер и внатрешните податоци, потврдуваме дека идентификувавме активности насочени кон слабеење и дестабилизација на Молдавија“, напишаа во соопштението на молдавските разузнавачки служби (СИС).

„Во оваа фаза не можеме да дадеме повеќе детали поради ризикот од компромитирање“ на мерките преземени за „разјаснување“ на она што се случило, се додава во соопштението.

„Нашите институции работат на безбедноста на земјата и ги користат сите информации од нашите партнери за да спречат такви обиди“, реагира проевропската претседателка на Молдавија, Маја Санду.

Шефот на украинската држава за време на посетата на Брисел изјави дека е откриен „план за уништување на Молдавија, план кој бил во рацете на руските разузнавачки служби“.

Извор: МИА

Би можело да ве интересира

Се урна руски воен хеликоптер, загина екипажот

Украина: Русија нема планови за намалување на воените операции

(ВИДЕО) Голем украински напад со беспилотни летала врз Русија и Крим

Залужни: Украина не може да ги врати своите стари граници

Горан Наумовски

Лавров: Русија ќе му достави на Киев нацрт-договор за прекин на огнот по размената на затвореници

Двајца загинати, седум повредени во руски балистички ракетен напад врз Одеса