Шефот на руската дипломатија Сергеј Лавров денеска го извести американскиот државен секретар Антони Блинкен оти Москва повикува на „прагматичен дијалог“ додека Западот бара знаци за деескалација околу Украина.
– Лавров нагласи дека е недозволена агресивната реторика на Вашингтон и неговите најблиски сојузници, и повика на прагматичен дијалог за целиот опсег на прашања покренати од Русија, се наведува во соопштението издадено по телефонскиот разговор со Блинкен.
Рускиот министер за надворешни работи нагласи и дека е неопходно да се продолжи „заедничката работа“.
Извор: МИА
