Израелскиот министер за национална безбедност Итамар Бен Гвир денеска изјави дека критиките на Владата на Израел, поради нејзините постапки во врска со преговорите за ослободување на заложниците кои ги држеше Хамас, одговараат на пропагандата на таа палестинска терористичка група.
На овој начин, Бен Гвир ги отфрли критиките упатени кон израелската влада откако израелските одбранбени сили (ИДФ) открија тела на шест заложници во Појасот Газа, објави „Тајмс оф Израел“.
„Да бидеме јасни: терористичката организација Хамас и само Хамас ги уби заложниците. Оние кои ја обвинуваат израелската влада ја повторуваат пропагандата на Хамас“, рече Бен Гвир.