Министеркaта без ресор задолжена за странски инвестиции Зорица Апостолска денеска оствари работна средба со амбасадорот на Кралството Шведска во Република Северна Македонија, Матс Стефансон.
Нејзиниот Кабинет соопшти дека Апостолска на средбата ги претстави мерките од Планот за економски раст и потенцирајќи ја транспарентноста на Владата во процесот на поддршка на нови инвестиции, појасни дека со законски поставени и јавно достапни критериуми, кои исклучуваат какви било форми на дискрециони преговарања, пред шведските компании се гарантира сигурност во пристапот до финансиски средства доколку одлучат за реализација на инвестициски проекти во Република Северна Македонија.
– Покрај активни мерки за поддршка на нови странски инвестиции, силен импут за зајакнување на стабилноста и предвидливоста на бизнис-климата, како и за зголемување на инвестициската атрактивност, правиме и со посветеноста во евроинтегративните процеси, рече министерката Апостолска.
Амбасадорот Стефансон осврнувајќи се на силната поддршка која Кралството Шведска ја дава на Република Северна Македонија на патот кон ЕУ, истакна дека денешната позитивна препорака на Европската комисија за почеток на преговори ќе даде значаен придонес во унапредувањето на трговските и инвестициските односи помеѓу двете земји, притоа порачувајќи дека одлуката е своевидно „зелено светло“ за пројавување поголем интерес за економскиот амбиент во земјава и од страна на шведската бизнис-заедница.
