Со денешниот натпревар (почеток 20:15 часот) меѓу Зомимак (Македонија) и Бешикташ (Турција) ќе биде отворен натпреварувачкиот дел на Струшкиот ракометен турнир. Ова е дуел од групата Б каде уште ќе игра и тимот на Динамо Букурешт (Романија).
Пред овој натпревар е Свеченото отворање на турнирот кое ќе почне во 19:30 часот, додека во терминот од 21:45 часот е почетокот на дуелот Сесон (Франција)– Бенфика (Португалија). Трета екипа во групата А е Замалек (Египет).
Како предигра денеска во ревијален натпревар од 18 часот ќе играа домаќинот Струга и ХЈС Работник од Битола.
Покрај денешените натпревари во групите ќе се игра и утре и во петок, додека во сабота се дуелите за пласман и финалето.
Распоред на натпреварите:
Среда 12.август
18:00 часот: Струга – ХЈС Работник (ревијален натпревар)
20:15 часот: Зомимак – Бешикташ
21:45 часот: Сесон – Бенфика
Четврток 13.август
19:00 часот: Зомимак – Динамо (Б)
20:45 часот: Сесон – Замалек
Петок 14.август
19:00 часот: Бенфика – Замалек
20:45 часот: Динамо (Б) – Бешикташ
Сабота 15.август
18:00 часот: натпревар за петто место
19:45 часот: натпревар за трето место
21:15 часот: финале.