Репрезентацијата на Русија го зазеде првото место во групата А, откако ја совлада Чешка со 4:1.
Со головите на Џагоев и Широков во првото полувреме Русија водеше со 2:0. Во вториот дел Пилар намали на 2:1, но тоа беше се што Чесите направија. На крајот Џагоев и Павличено за 3 минути постигна уште два гола за конечни 4:1.
- 90+4′ Крај на натпреварот, конечни 4:1 за Русија.
- 89′ Публиката со овации го поздравува секој пас на руските фудбалери, одговорот на прашањето за победникот на овој меч е веќе познато.
- 81′ Роман Павличенко, само што влезе во игра, му асистираше на Џагоев, а сега и се поигра со Хубшман и со одличен дриблинг го помина и ја погоди мрежата на Чех за 4:1.
- 79′ Сите промашени прилики на Кержаков ги надопони Џагоев, втор негов гол за 3:1.
- 74′ Малафеев го брани ударот на Росицки, прв озбилен удар на капитенот на Чесите.
- 69′ Чесите подготвени во дуелите во второто полувреме, не ги повторуваат грешките и така го чуваат својот гол, Чержаков повторно промашува извонредна шанса.
- 64′ Аршавин извонредно го проигрува Кержаков во празно, но тој бие покрај голот на Чех, останува 2:1.
- 52′ Чешка без никаква шанса успеа да намали на 2:1, Пилар избегна офсајд стапица, го заобиколи и Малафеев и ја пласираше топката во празниот гол.
- 30′ Русите поконкретни, со само три играчи успеаја да се поигруваат со одбраната на Чешка, и многу лесно постигнаа два гола, а имаа уште неколку шанси. Последната Аршавин по левата страна се поигрува со Селасије и му ја додаде топката на Кежаков кој биеше над голот.
- 23′ Широков ја удвои предноста на Русија, и повторно Русите ја развлекоа одбраната на Чешка, Широков од пет метри ја прими топката и само ја поткопа и префрли преку Чех.
- 14′ Русија води со голот на Џагоев, само што успеаја да ја поминат противничката половина од почетниот налет на Чешка, Аршавин ја испрати топката на левата страна, Кержаков ја погоди стативата, топката се одби до Џагоев кој погоди за 1:0.
Состави:
Русија: Малафеев, Анјуков, Игњашевич, Жирков, Березутски, Широков, Денисов, Зирјанов, Џагоев, Аршавин, Кержаков.
Чешка: Чех, Гебре Селесаије, Кадлец, Хубник, Сивок, Резак, Росицки, Плашил, Пилар, Јурачек, Барош.