Ракометната Лига на шампиони во машка конкуренција, викендов ќе ја има својата завршница.
На Фајнал-фор турнирот кој се игра во Келн, Германија, денеска на програмата се полуфиналните натпревари, а утре ќе се игра и дуелот за шампионскиот трофеј.
Во првиот меч за влез во големото финале попладнево од 15 часот и 15 минути ќе играат унгарскиот претставник Вестрпем и минатогодишниот финалист германскиот Кил, кој до полуфиналето стигна со победите над Металург во четртфиналната рунда.
Капитенот на македонската репрезентација Кирил Лазаров со својот тим Барселона ќе настапи во вториот полуфинален меч од 18 часот против составот на Фленсбург, кој место во големата четворка обезбеди со елиминацијата на Вардар во четвтрфиналето.
Во недела од 15 часот и 15 минути ќе се игра дуелот за третото место, а почетокот на големото финале е закажан за 18 часот.