Во Кавадарци синоќа беа прогласени најдобите спортисти, спортски колективи и спортски работници во градот за 2012 година.
Претседателот на кавадаречкиот Сојуз на спортови Борче Ѓорѓиев посочи дека изборот е направен во согласнот со годинешниве успеси во спортот.
Најдобар спортист е Надица Апостоловска, стрелец од стрелачкиот клуб „Кавадарци” а најдобар тренер Емил Рајковиќ од кошаркарскиот клуб „Фени индустри”. Најдобар колектив е „Фени индустри”, додека Сашо Атанасов директорот на спортската сала „Јасмин“ ја доби наградата за најдобар спортски работник.
За посебен интерес за развојот на спортот благодарница и пригодна награда доби градоначалникот Александар Панов.
Посебна благодарност му беше изразена на сопственикот на „Кожувчанка” Митко Јанчев за материјално помагање на спортските клубови и поединци.
Најдобар спортски новинар е Мики Виденовиќ. Медали и благодарници добија најдобрите поединци во сениорска и јуниорска конкуренција. Наградите ги врачија претседателот на Советот на општина Кавадарци магистер Илија Тренчев, советникот во општинскиот Совет Ристо Сакалиев и претседателот на Сојузот на спортови Борче Ѓорѓиев.