Компанијата „Пежо“ наскоро ќе го претстави освежениот модел „508“, а на интернет веќе се појави првата фотографија што нуди увид во новиот дизајн на оваа лимузина.
„Пежо 508“ ќе има помала маска на ладилникот, но затоа нејзината хромирана рамка ќе биде понагласена отколку до сега.
Автомобилот ќе има и поинаков браник, светла за магла и реобликувани фарови, според угледот на кросоверот од 2008 година.
На фотографијата се забележува и дека амблемот на францускиот производител е преместен од врвот на хаубата на централниот дел од маската на ладилникот.
Незначителни промени во дизајнот, пред се, на стоп светлата можат да се очекуваат и на задниот дел од автомобилот.
Се уште не е познато во која мера „Пежо“ ќе ја редизајнира внатрашноста на „508-ката“ и дали некои команди, како што е тоа случајот кај новата генерација од моделот „308“, ќе бидат вградени во мултимедијалниот систем.
Освежениот „Пежо 508“ треба да добие и нови погонски единици, како поекономичните 1.6 и 2.0-литарски Blue HD дизел мотори, а се споменува и 1.2 e-THP бензинeц.
Се очекува „Пежо“ рестилизираниот „508“ да го претстави во јуни, кога ќе бидат познат и официјалните детали.