Македонската кошаркарска репрезентација го загуби последниот натпревар од подготовките за Европското првенство, откако вечерва во Рига не успеа да и пружи посериозен отпор на домашната Летонија.
Конечниот резултат е 85:69 за Летонците кои беа подобри во првиот период со 24:16, нашите репрезентативци го добија вториот период со 19:17, во третата четвртина беше 26:19 за домаќинот, а последните десет минути завршија со резултат 18:15 за Летонија.
По овој пораз учинокот на Македонија во подготовките за ЕП е четири победи и пет порази.
Еврошампионатот почнува по една недела, а Македонија е во групата Ц која ќе се игра во Загреб. Во оваа група се и домаќинот Хрватска, Грција, Словенија, Грузија и Холандија.