Неславен крај имаше кошаркарското првенство на Црна Гора, во кое Будуќност ја одбрани шампионската титула.
Имено, четвртиот меч од финалната серија помеѓу Сутјеска и Будуќност кој се одигра во Никшиќ не го дожиева својот крај откако домашните навивачи предизвикаа тежок инцидент, најпрвин со столици започнале да фрлат по гостинските играчи, а потоа се обиделе и физички да се пресметаат со нив.
Поради неколку инциденти мечот бил во прекин 30 минути, а дефинитовно е прекинат во 28.минута. На прекинот му претходел ввербален дуел помеѓу Немања Врањеш (Сутјеска) и Омар Кук (Будуќност).
Поради прекинот натпреварот е регистриран со службен резултат 0:20 за Будуќност. Тимот од Подгорица финалната серија ја доби со 3-1.
По скандалот клубот од Никшиќ се огласи со соопштение во кое ги осуди инцидентите и однесувањето на навивачите, кое како што се вели ’фрлило дамка врз извонредната сезона на клубот’.