Фудбалерите и членовите на стручниот штаб на Атлетико Мадрид денеска беа шокирани кога за време на загревањето пред тренингот, нивниот соиграч, Французинот Муса Дембеле, колабираше на теренот.
На снимката од застрашувачкиот момент, се гледа како Дембеле наеднаш падна на тревата, останувајќи легнат на грбот, во бессознание. Видеото, кое може да биде вознемирувачко за дел од публиката, покажува како исплашените соиграчи се обидуваат да му помогнат на Дембеле.
Atlético Madrid striker Moussa Dembélé collapsed in training today and had to receive medical attention.
He eventually regained consciousness and was able to walk off the pitch on his own. He is currently at hospital undergoing further medical tests. ?
pic.twitter.com/3Gm7SG2Kf6— FutbolBible (@FutbolBible) March 23, 2021
Според извештаите, откако лекарската екипа на клубот му пружила прва помош, фудбалерот се освестил и бил во состојба самиот да го напушти теренот, по што бил итно пренесен во болница.
Иако досега немаше официјални информации околу типот на здравствен проблем со кој се соочил францускиот фудбалер, Дембеле подоцна беше снимен како излегува од болницата со насмевка на лицето, што сугерира дека во прашање не било ништо сериозно, пишуваат шпанските медиуми.
Францускиот фудбалер досега настапи на четири средби за Атлетико, откако му се придружи на шпанскиот клуб во јануари, на заем од Лион.