Камерите на денешното полуфинале на Отвореното првенство на Австралија, регистрираа момент како свршеницата на Британецот Енди Мареј упатува пцовки кон ривалот, чешкиот тенисер Томаш Бердих.
Познато е дека Мареј често пати знае емотивно да изреагира на теренот, но овој пат неговата партнерка Ким Сирс беше во таква улога.
Свршеницата на шкотскиот тенисер жестоко го прослави освоениот гем на нејзиниот партнер, а по тоа што може да се прочита на нејзините усни, може да се каже дека станува збор за непријатен и непримерен коментар.