Шпанскиот тенисер го совлада Русинот Данил Медведев со 7:5, 6:3 во полуфиналето на турнирот во Пекинг по 86 минути игра.
Така, тенисерот од Мурсија, кој по турнирот ќе се врати на второто место на светската листа, од почетокот на сезоната направи хет-трик на победи против Медведев.
Го победи во финалето на Индијан Велс, потоа во полуфиналето на Вимблдон, а сега и во полуфиналето во Пекинг.
Во првиот сет, по 2:2 имаше четири последователни брејка.
Carlitos coming up 🔥
The moment @carlosalcaraz defeated Daniil Medvedev to reach his first #ChinaOpen final. pic.twitter.com/isLis4Zk3K
— Tennis TV (@TennisTV) October 1, 2024
Сепак, Алкараз успеа уште еднаш да го скрши отпорот на петтиот светски играч во 11. гем и потоа сервираше за 7:5.
Во вториот сет Алкараз направи брејк во петтиот гем и поведе со 3:2.
При резултат 5:3, Медведев успеа да спаси три меч топки, од кои две со одлични сервиси, но со двојна грешка му даде и четврта шанса на противникот.
Тоа го искористи Алкараз и стигна до својата шеста победа во осумте меча со рускиот тенисер.
Младиот тенисер до финалето стигна без загубен сет, а во мечот за трофејот ќе игра со подобриот од пресметката меѓу Жунчаокете Бу и Јаник Синер.