Во 27. минута при резултат 51:35, дербито помеѓу Работнички и МЗТ Скопје е прекинато.
Судиите, кога Работнички водеше со 16 коша разлика, одлучија навивачката група на Работнички да ја напушти салата, иако провокациите доаѓаа од навивачите на МЗТ.
Силното полициско обезбедување почна да ги отстранува навивачите на Работнички што предизвика револт кај публиката и играчите.
Поради пристрасната одлука на судиите, кошаркарите на Работнички, раководството и публиката ја напуштија салата.
Коментираа дека ова е невиден скандал и намерно донесена одлука, бидејќи Работнички во текот на целиот натпревар беше многу подобар на теренот и водеше и со над 30 коша разлика.
Тренерот Докузовски вели дека по ова, веќе нема кошарка во Македонија.
