Српскиот тенисер Новак Ѓоковиќ одби да даде интервју по мечот против Чехот Јиржи Лехечка на Австралија опен, со образложение дека реагирал поради австралискиот новинар Тони Џонс, чии зборови го навредиле него и неговите фанови. Сега се појави контроверзното видео кое го налути Новак.
Пред неколку дена, познат спортски новинар кој работи за официјалната телевизија АО, наводно ги исмејувал српските навивачи и го навредувал Ѓоковиќ. Оттогаш тој јавно не се извини, ниту Канал 9, поради што Новак луто реагираше.
I’m sure TJ would never ever have said this about Fed or Nadal.
Very ugly hey @DjokerNole
Unprofessional @9NewsMelb pic.twitter.com/1rDob11pvX
— Valerie💐 (@AussieVal10) January 17, 2025
“Да се вратиме во Мелбурн Парк каде што можете да ги видите обожавателите на Новак со полн глас. Нивното скандирање е сосема необично. Новак! Тој е преценет! Новак е минато! Новак! Момче, мило ми е што не можат да ме слушнат. Како и да е, ајде да продолжиме со тенисот“, рече Џонс во живо на програмата по мечот на Ѓоковиќ против Томаш Мачак во 3. коло на Австралија Опен.
Ова го навреди Ѓоковиќ, но и неговите навивачи, а тој одби да даде интервју на денешниот меч против Лехечка и сега бара извинување.
Тој додаде дека прифаќа ако го казнат што не дал интервју, но дека направил нешто што сметал дека треба да се направи и дека неговиот протест нема врска со навивачите на трибините.
Ѓоковиќ во четвртфиналето ќе игра против Шпанецот Карлос Алкараз, кој претходно го елиминираше Британецот Џек Дрејпер.