(ВИДЕО) Се појави снимка од претепувањето на Алексеј Швед: Фрактура на череп и губење на меморијата, хулигани го унаказија Русинот

Од:

Кошаркарот на ЦСКА Москва, Алексеј Швед, беше нападнат од хулигани во главниот град на Русија.

По хоспитализацијата и престојот во болница, лекарите му дијагностицираа на Алексеј Швед фрактура на черепот и губење на меморијата.

Според лекарот, Алексеј Швед се здобил со повреди опасни по живот – фрактура на темпорална коска, отворена краниоцеребрална повреда, фрактура на основата на черепот и амнезија – губење на меморијата. Ова го пренесува Москва Комсомолец.

Инцидентот се случил во еден од рестораните во Москва вечерта на 1 мај. Швед излегол со сопругата и пријателите. Во исто време, во друга хала на ресторанот, се веселеле голема и бучна група луѓе од Кавказ, кои славеа роденден. Конфликтот меѓу двете страни се случил во ходникот на ресторанот.

Швед прво влегол во кавга, а потоа и во конфликт со петмина мажи од Кавказ, кои почнале да го малтретираат. Тие излегле на улица, а потоа вербалниот конфликт прераснал во физички. Се се случило во 23 часот и 15 минути, како што забележале камерите. Кошаркарот бил удрен и паднал на асфалтот, со глава удрил во тротоарот, обилно крварел од главата и увото.

Напаѓачите сакале да го „довршат“ кошаркарот, но на помош дошол персоналот од ресторанот. Наводната група напаѓачи досега не била видена во ресторанот. Полицијата трага по петмина напаѓачи, а Алексеј Швед не бил во алкохолизирана состојба.

Би можело да ве интересира

Почина кошаркарот Дејан Милојевиќ

Кошаркар на Филаделфија e повреден од автомобил додека минувал улица

Познат руски кошаркар е тешко повреден во Москва

Горан Наумовски

Хулигани нападнаа еден од најдобрите европски кошаркари, тој поради повреди заврши во болница

Горан Наумовски

Швед ја заврши репрезентативната кариера

Ана Ололовска