Еден од најдобрите кошаркари во Европа, Алексеј Швед, заврши во болница откако беше нападнат од хулигани во Москва.
Русинот се здобил со повреди на главата при напад пред ресторан, од каде бил пренесен во болница. Кошаркарот имал разговор и со полицијата која сега трага по непознатите напаѓачи.
Алексеј во декември ќе наполни 35 години, а во кариерата беше шампион на Евролигата со ЦСКА (2008), член на идеалната петорка на ЕП (2017), МВП на Еврокупот (2017) и најдобар асистент на Евролигата. (2021).
Тој исто така играше во НБА за Минесота, Филаделфија, Хјустон и Њујорк, а помина шест сезони во Химки, од каде се врати во ЦСКА во 2021 година.