Фудбалерите на Реал Мадрид на домашен терен го победија Хетафе со 2:0 и му се доближија на најголемиот ривал на само бод.
Избраниците на Карло Анчелоти имаат натпревар помалку од Каталонците и шанса во блиска иднина да му ја зграпчат лидерската позиција на ривалот. Барса помина три кола без победа, двапати беше поразена во тој период и прашање на време беше кога ќе биде загрозено нивното прво место.
Стрелци за Реал попладнево беа Џуд Белингем и Килијан Мбапе.
Англискиот репрезентативец беше и асистент на голот кој Французинот го постигна во 38. минута. Во таа ситуација брилијантно го проигра Мбапе меѓу редовите на одбраната на Хетафе, овој ја прими топката и со многу прецизен удар во далечниот долен агол од голот на Давид Сорија го удвои водството на Мадрид.
Kylian Mbappé WHAT A GOAL! 🤯 pic.twitter.com/gpusW14ZIn
— TC (@totalcristiano) December 1, 2024
Осум минути претходно Белингем го доведе Реал во водство со гол од пенал.
Реал доминираше во првото полувреме во сите елементи на играта, создаваше шанси, напаѓаше, постигна два гола, а потоа веќе го реши прашањето на победникот.
Триумфот можеше да биде далеку поубедлив.
Мбапе не ја искористи најдобрата од 30-те шанси во продолжение – го обиколи голманот Сорија, го имаше само дефанзивецот на гостите на гол-линијата и успеа да промаши.
Реал ќе има корист од оваа победа и подемот на табелата, како и гол за самодоверба за Мбапе, пред многу важните предизвици кои следат, а тоа се четири гостувања во следните десет дена!
Мадрид во Ла Лига ќе се соочи со Билбао и Жирона, потоа со Аталанта во Лигата на шампионите, а на крајот од оваа серија ќе гостува кај Рајо Ваљекано.