Мијатовиќ: Чаби Алонсо треба да биде нов тренер на Реал Мадрид

Од:

Предраг Мијатовиќ во текот на годинава неколкупати ги коментираше случувањата во Реал Мадрид, а во последната изјава даде предлог за идниот тренер на „кралскиот клуб“.

Спортскиот оперативец на Партизан во неколку наврати потенцираше дека времето на Карло Анчелоти поминало и дека треба да биде сменет меѓу двете сезони.

„Анчелоти заврши одлична работа во два периода во Реал Мадрид. Тој е тренерот кој освои најмногу титули и мислам дека никој нема да го надмине, бидејќи фудбалот оди во насока каде што секој ден има се помалку трпение со тренерите и играчите. Никој нема да има толку долга кариера што би можел да го надмине по освоени трофеи“, изјави Мијатовиќ за шпанското шоу „Ефелитол“.

Мијатовиќ има предлог и за претседателот на Реал – Флорентино Перез.

„Мислам дека без разлика како ќе заврши оваа сезона, Анчелоти треба да си замине од Реал Мадрид. Флорентино Перез треба да донесе одлука да бара друго решение, а ако може да биде Чаби Алонсо, тој треба да биде опција број еден“ смета Црногорецот.

Мијатовиќ три години беше спортски директор на Реал и истакна дека за време на неговиот мандат на сличен начин му се заблагодарил на Фабио Капело.

Би можело да ве интересира

Мурињо најдобар тренер во Ла Лига во октомври

А1он

Флик: Сакам да го освојам секој трофеј – разочарани сме!

А1он

Барса 862 минути со играч повеќе, а Реал 91 минута со играч помалку во Ла Лига

А1он

Суспензија од четири натпревари за Винисиус – го пропушта и „Ел Класико“

А1он

Лапорта го нападна Реал: Тие го одвлекуваат вниманието!

А1он

Судијата кој делеше правда на мечот Атлетико – Реал е пред суспензијата

А1он