Тешко дека натпреварот помеѓу Јувентус и Интер можеше да биде подраматичен. Видовме незадоволен Душан Влаховиќ, па по еден гол од двете страни, драма во финишот, а потоа и тепачка на крајот од играта. Ова беше првиот натпревар од полуфиналето на Купот на Италија, а како што изгледа ќе има вистинска драма во реваншот.
На крајот од натпреварот прво разговараа Самир Хандановиќ и Хуан Квадрадо, а кога искусниот словенечки голман се сврте, Колумбиецот го турна. И тогаш започна хаосот.
Таму беше и Аркадијуш Милик, но кога Квадрадо го оттурна голманот од Словенија, Хандановиќ беше подготвен за борба! Дамфрис, Лукаку и другите играчи на Интер трчаа еден по друг, а потоа се приклучија и играчите на Јувентус.
Questo video su Cuadrado è vergognoso.
Handanovic va a discutere con lui.
Discutono animatamente.
Poi Cuadrado se ne va spintonandolo violentemente.
Handanovic fa per ritornare, lo bloccano, e nel blocco Cuadrado gli molla un cazzotto#JuveInter pic.twitter.com/6l2CIRaM6L
— Tancredi Palmeri (@tancredipalmeri) April 4, 2023
Судијата веднаш на двајцата им покажа црвени картони, што значи дека нема да можат да играат на реваншот, но тоа не ги смири страстите. Уште при влегувањето во соблекувалната летаа искри меѓу играчите на двата тима. Во текот на натпреварот имаше и конфликт помеѓу Ромелу Лукаку, кој израмни од пенал во 90. минута, со навивачите на Јувентус.
Во второто полуфинале се среќаваат Кремонезе и Фиорентина, а Јувентус и Интер имаат шанса со трофејот во купот да ја спасат сезоната. Од една страна, Интер се бори за пласман во Лигата на шампионите иако титулата одамна им избега, додека Јувентус е во многу лоша позиција по одземањето бодови, а прашање е дали воопшто ќе се пласира во Европа.