Британскиот производител на возила „Јагуар“ во чест на легендарниот модел Д-Тајп, кој победи на трката Ле Манш 1956 и 1957 година, го претстави својот нов едносед Проџект 7.
Моделот Проџект 7 развива 300 километри на час и е инспириран од легенардниот победник на Ле Ман.
Инженерскиот тим на Јагуар новиот Проџект 7 го базираа на моделот Ф-Тајп, но каросеријата е значително олеснета и подобрена е аеродинамичноста.
Проџект 7 името го носи по седумте победи на Јагуар на трката Ле Ман во периодот од 1951 до 1990 година, со легендарниот Д Тајп. Совозачкото седиште е отстрането, а на негово место се наоѓа простор за кацигата на возачот.
Под хаубата се наоѓа 5-литарски турбо В8 мотор со 540 коњски сили, а силата се пренесува на масивните 20 инчни тркала преку осумстепен менувач. Автомобилот забрзува од 0 до 100 километри на час за само 4,1 секудна и достигнува максимална брзина од 300 километри на час, што е електронски ограничена.
– Автомобилот има само една намена. Да се вози брзо и да се ужива во него. Спортските автомобили на Јагуар се познати по исклучителните перформанси и чистиот дизајн. Проџект 7 го отсликува овој дух во неговиот најчист облик, изјави Иан Калум, шеф на дизајнерите на Проџект 7.
Јагуар Проџект 7 засега е само концепт, а своето деби ќе го има на Гудвуд фестивалот на брзината во Велика Британија.
