Леброн Џејмс одигра силен меч, но Лос Анџелес Лејкерс дозволи трет последователен и вкупно триесет и деветти пораз за сезоната. „Езерџиите“ беа поразени на гостувањето во „Медисон Сквер Гарден“, а Њујорк триумфира со 124:123, откако Марио Хезоња го блокираше последниот шут на „кралот“ и така го обезбеди успехот на Никс.
Леброн постигна 33 поени, со 8 асистенции и 6 скока, а Кајл Кузма реализира 18 поени и 8 асистенции. Реџи Булок со 14 и Џонатан Вилијамс и Џавеил Мекги со по 12, исто така се претставија добро за гостите од Калифорнија.
Емануел Мудиеј беше најпрецизен за победниците со 28 поени и 8 асистенции, а ДеАндре Џордан наметна вистинска доминација со 15 поени, 17 скока, 7 асистенции и по еден блок и одземена топка. Демијан Дотсон со 25 поени, Хезоња со 17 и Кевин Нокс со 19 направија така што целата стартна петорка на домаќините да заврши со двоцифрени поединечни показатели.
СуперМарио имаше и 8 скока, одзеде 2 топки даде 1 асистенција и го блокираше потенцијалниот победнички шут на Леброн со единствеиот блок на мечот.
За Њујорк, ова е само четиринаесетта победа за сезоната.
Multiple angles of Super Mario Hezonja sealing the Knicks win with a BLOCK ON LEBRON!
(Via @HoHighlights)
— Ballislife.com (@Ballislife) March 17, 2019
Резултати од НБА:
Њујорк – Л.А. Лејкерс 124: 123
Мајами – Шарлот 93:75
Милвоки – Филаделфија 125: 130
Детроит – Торонто 110: 107
Орландо – Атланта 101: 91
Сакраменто – Чикаго 129: 102
Лос Анџелес клиперс – Бруклин 119: 116
Хјустон-Минесота 117: 102
Пласман по дивизии:
Источна конференција:
Атлантик дивизија: Торонто 49 победи / 21 порази, Филаделфија 45/25, Бостон 43/27
Централна дивизија: Милвоки 52/18, Индијана 44/26, Детроит 36/33
Југоисточна дивизија: Мајами 33/36, Орландо 33/38, Шарлот 31/38
Западна конференција:
Северозападната дивизија: Денвер 46/22, Портланд 42/27, Оклахома 42/28
Пацифик дивизија: Голден Стејт 47/21, Лос Анџелес Клиперс 41/30, Сакраменто 34/35
Југозападна дивизија: Хјустон 44/26, Сан Антонио 41/29, Њу Орлеанс 30/42.