Огранокот на компанијата „Форд“ во Индија вчера официјално се извини поради тоа што во една реклама за нов автомобил се појавува поранешниот премиер на Италија, Силвио Берлускони.
На рекламата-цртеж за новиот „Форд Фиго“, се гледа како Берлускони седи на местото на возачот и задоволно се смее, додека во гепекот седат три врзани сексипилни девојки.
Под сликата стои натпис „Заборавете на проблемите со новиот фордов екстра голем гепек“.
Иако рекламата не е користена во официјална рекламна компања, се најде на интернет страниците, по објавување на рекламна агенција која работи за Форд Индија.
Официјални лица од „Форд“ соопштија дека им е жал поради рекламата која е спротивна на стандардите и професионализмот на компанијата.
Елена Георгиевска