Меѓународната аматерска боксерска федерација (АИБА), доживотно го суспендира хрватскиот боксер Видо Лончар, бидејќи по пораз во втора рунда на Европско првенство за јуниори во Загреб, го нападна судијата. -АИБА и целото боксерско семејство имаат нулта толеранција за ваков вид однесување – рече претседателот на организацијата, Чинг Куо Ву.
Поради тоа на хрватскиот боксер и неговиот тренер им е забрането да учествуваат во натпреварите на АИБА, а се очекува таа одлука да ја потврди и Дисциплинската комисија на организацијата.
Боксерскиот сојуз на Хрватска, веднаш доживотно го суспендира Лончар, кој заврши во притвор, додека судијата поради тешките повреди е хоспитализиран во болница во Загреб.
Е. Г.