ВИДЕО: Аргентина ја совлада Панама со 2:0, Меси со 800 гола во кариерата

Од:

Фудбалерите на Аргентина го одиграа првиот натпревар како актуелни светски шампиони, против Панама, каде Лионел Меси го постигна својот 800. гол во кариерата.

„Гаучосите“ го добија овој меч со 2:0, но резултатот на стадионот „Монументал“ не беше во преден план, туку самата атмосфера која владееше и внатре и надвор од стадионот.

Навивачите на преполниот Монументал ги пречекаа новите светски шампиони, иако спротивната страна воопшто не беше атрактивен противник.

Во текот на целиот натпревар од трибините грмеше песна која беше ветар во грбот на фудбалерите на Аргентина, а во еден момент со насмевка пролеаа неколку солзи Меси, тренерот Скалони, па дури и голманот Емилијано Мартинез.

Инаку, Аргентина не го совлада лесно противникот.

Иако резултатот не го покажува тоа, „гаучосите“ го разбија противникот во последните петнаесет минути, најпрвин Меси од слободен удар го доведе својот тим во водство.

Ова беше 800-ти гол на Меси во кариерата.

И Тиаго Алмада, кој го постигна својот прв гол во репрезентацијата, ќе ја памети оваа специјална партија до крајот на животот.

Би можело да ве интересира

Бизарна ситуација на Олимписките игри: По два часа ВАР го поништи голот на Аргентина, Мароко победи

Аргентина ја освои Копа Америка – Финалето беше одложено речиси час и половина поради нереди

Драган Стојковиќ: Утре е голем натпревар, ќе се обидеме се за да победиме

Словенија и Данска одиграа нерешено, Јанжа го спречи поразот

A1on

(ВИДЕО) Камења, солзавци и водени топови-голема пресметка во Аргентина поради реформите на претседателот Милеј

Манчестер Сити и Реал играат за полуфинале во Лигата на шампионите