Три дена по инцидентот на стадионот Партизан во Белград и прекин на натпреварот помеѓу Србија и Албанија, предизвикан поради беспилотно летало и знаме со мапа на „Голема Албанија“, уште еден дрон беше во центарот на вниманието и тоа во текот на албанско дерби.
Како што пренесуваат медиумите на натпреварот помеѓу локалните ривали Фљамуртари и Скендербег, во неколку наврати на необичен начин е истакнато албанското знаме, но овој пат без територијални претензии кон соседните држави, како што беше случајот во Белград.
Најпрво една птица го носеше албанското знаме, а потоа и беспилотно летало, меѓутоа натпреварот не беше прекинат.
Е. Г.