Венус Вилијамс ја победи својата помлада сестра Серена, првпат после пет години и се пласира во финалето на „Роџерс Купот“ во Монтреал, Канада.
Венус до победата дојде во три сета: 6:7, 6:2 и 6:3. Инаку, 34-годишната Американка во финалето ќе се сретне со полската тенисерка Агњешка Радванска.
Полјачката ноќеска во второто полуфинале ја совлада Екатерина Макарова (Русија) со 2-0, по сетови 7:6 и 7:6.
Во досегашните осум меѓусебни средби Американката води со 5-3 во победи.