Репрезентацијата на Велика Британија се наоѓа на една победа до освојување на Дејвис купот, прв по оној во далечната 1936 година.
Во денешниот меч во двојки, браќата Енди и Џејми Мареј беа поуспешни од Белгијците Давид Гофан и Стив Дарсис со 3-1, по сетови 6:4; 4:6; 6:3 и 6:2.
Моменталниот резултат е 2-1 во победи за Велика Британија и со само една победа од двата утрешни сингл мечеви Британците ќе дојдат до трофејот.
Според пријавените тенисери утре треба да играат Енди Мареј – Гофан, а ако биде потребно тогаш за трофејот ќе решаваат Кајл Едмунд и Рубен Бемелманс.