Швајцарецот Стан Вавринка е победник на годинашното Отворено тениско првенство на Франција. Тој за нешто повеќе од три часа игра во финалето го совлада Новак Ѓоковиќ (Србија) со 3-1 во сетови (4:6, 6:4, 6:3 и 6:4).
Првиот светски рекет по поразот од осмиот носител на турнирот, остана без трофејот кој му недостасува во неговата богата колекција и ќе чека друга шанса за да се приклучи на седумтемината тенисери кои победиле на сите четири Грен слем турнири.
Вавринка по денешната победа ќе освои нови поени и ќе напредува на АТП листата, додека Ѓоковиќ ги одбрани поените освоени со ланскиот пласман во финалето, па и натаму останува убедливо на првото место на АТП.
Швајцарецот од големите турнири трофеј има и од Австралија Опен во 2014 година, Ѓоковиќ останува на осумте титули.
Ова беше само четврта победа за Вавринка во меѓусебните 21 дуел, но вредна трофеј во Париз.