Американецот Дионтеј Вајлдер седми пат ја одбрани титулата во верзија ВБЦ во супертешка категорија, откако го нокаутира Луис Ортиз во десетата рунда на нивниот натпревар. Така Вајлдер ја освои 40-тата победа во професионалниот ринг.
Триесет и две годишниот боксер почна претпазливо, а во седмата рунда во последен момент беше спасен од гонгот, кога доби силна серија удари од противникот. Потоа шампионот го наметна својот стил и во десеттата рунда судиите го прекинаа натпреварот.
Триесет и осум годишниот Ортиз дозволи прв пораз кај професионалците и ја пропушти можноста да стане првиот Кубанец со светска титула на професионалниот ринг.
Најверојатно следен дуел на Дионтеј Вајлдер ќе биде против победникот од средбата меѓу Ентони Џошуа и Џозеф Паркер. Двајцата носители на шампионски појаси ќе се борат на крајот на месецот.