Најкорисниот кошаркар во досегашните осум кола од Првата македонска кошаркарска лига, центарот Урош Луковиќ одлучи да ја заврши соработката со својот досегашен клуб Куманово.
Високиот центар заминува од клубот во кој мина три сезони со мал прекин и во кој доживеа комплетна афирмација како кошаркар.
Само една недела откако раководството на Куманово реши да ја прекине соработката со неговиот татко, тренерот Љубисав Луковиќ, кумановчани останаа, без својот најдобар играч сезонава Урош Луковиќ, кој неочекувано одлучи да тргне по стапките на својот татко и да го напушти македонскиот вицешампион.
Како следна дестинација на Урош Луковиќ се споменува македонскиот шампион МЗТ Скопје , Партузан од Белград, како и неколку екипи од Катар.