Олимписката победничка во стрелаштво во дисциплината скит Унгарската Дијана Игаји почина на 56-годишна возраст од компликации поврзани со коронавирус, соопшти Унгарската федерација во стрелаштво.
Игаји починала денеска, три дена откако била примена во болница.
Својот најголем успех во кариерата го постигна на Олимписките игри во Атина во 2004 година, освојувајќи го златниот медал во скит со што стана првата Унгарка која освои злато во стрелаштво.
Четири години порано, на Игрите во Сиднеј, таа ја освои бронзата, а во кариерата четирипати беше светска, а шестпати европска првенка со вкупно 32 медали на големите натпреварувања.