Русија доби право да настапи на Евробаскетот 2015 откако и беше укината суспензијата од страна на ФИБА.
Забраната и беше воведена заради наводно мешање на политиката во спортот.
Ова за руските медиуми го потврди Павел Колобков, заменик-министер за спорт на Русија, по средбата со Централниот комитет на ФИБА во Токио.
– По долги и тешки преговори, ФИБА на крајот донесе одлука да ја укине суспензијата изречена пред извесно време. Со ова и дефинитивно Русија ќе настапи на претстојниот Европски шампионат, истакна Колобков.
Русија ќе биде дел од групата А на претстојниот европски шампионат, заедно со селекциите на Франција, Финска, Израел, Полска и БиХ.