УЕФА го казни Динамо по навивачките нереди во Атина на 8 август пред мечот со АЕК. Во нив учествуваа навивачи на Динамо и на Панатинаикос, кои се степаа со навивачите на АЕК, иако УЕФА веќе го имаше абрането доаѓањето на гостински навивачи поради страв од можни инциденти. Во нередите загина навивачот на АЕК, Михалис Кацурис (29). Динамо нема да има гостински навивачи на европските натпревари до крајот на сезоната, одлучи УЕФА.
„Според проценката на УЕФА, сите натпревари на кои учествуваат гостински навивачи на ГНК Динамо се сметаат за ризични, а тоа е потврдено и со тежината на инцидентите поради присуството на навивачите на ГНК Динамо во Атина и покрај одлуката да не се обезбедат билети за предметниот натпревар.
Веста за казната доаѓа по драматичната елиминација на тимот на Динамо од борбата за групната фаза од Лигата на шампионите. Во Атина, во реваншот од третото прелиминарно коло, Динамо одигра 2:2 со АЕК, а грчкиот клуб мина бидејќи на првиот натпревар на Максимир победи со 2:1.
Динамо го продолжува натпреварувањето во плеј-офот од Лигата на Европа, каде ќе игра против Спарта Прага, која по пенал беше елиминирана од Копенхаген во третото прелиминарно коло од Лигата на шампионите. Првиот натпревар се игра следниот четврток на Максимир, а реваншот е една недела подоцна во Чешка. Динамо веќе обезбеди пласман во групната фаза од Конференциската лига.