УЕФА соопшти дека очекува околу 250 милиони луѓе да го проследат телевизискиот пренос на финалето на Европското првенство меѓу Италија и Шпанија, кое се игра во недела.
Претходното финале на Европскиот шампионат помеѓу Шпанија и Германија го следеле 237 милиони гледачи.
Директорот на маркетинг, Џи-Лоран Епстин, изјави за агенцијата АП, дека УЕФА очекува во недела оваа бројка да биде надмината.
За да се пресмета просечниот рејтинг на гледаност, потребно е некој да гледа најмалку 30 минути од натпреварот.
Епстин додаде дека УЕФА очекува околу 350 милиони луѓе, кои ќе гледаат барем една минута од натпреварот.
Финалето на Европското првенство ќе се игра во недела во 20 часот и 45 минути во Киев.