Фудбалската репрезентација на Србија до 21 година, која е во иста група со соодветната македонска селекција во евроквалификациите, од денеска има нов селектор во Александар Рогиќ.
Тој доаѓа на местото на Звонко Живковиќ, кој поради слабите резултати на српскиот тим во квалификациите, спогодбено ја прекина соработката со Фудбалската федерација на Србија.
Заминувањето на Живковиќ доаѓа по поразот од Франција во вторникот во Белград од 3:0.
– Сaкав да постигнам многу повеќе од тоа што го остваривме во овие четири кола, но, за жал, тоа не се случи, изјави Живковиќ.
Србија е последнопласирана во групата Х со четири босови, еден помалку од македoнската репрезентација на третото место и шест зад лидерот Франција.