Капитенот на македонската ракометна репрезентација и нов член на Барселона само за три гласа не успеа да влезе во идеалниот тим на шпанската АСОБАЛ лига.
Ракометните навивачи од Шпанија и Европа во идеалниот тим на АСОБАЛ за сезоната 2012/13 „сместија“ четворица играчи на Барселона и тоа голманот Даниел Шариќ, кој доби 24,9 % од гласовите, потоа левото крило Хуанин Гарсија со 47,8 %, десното крило Виктор Томас со 28,5 % и левиот бек Сергеј Рутенка со 32,1 %.
Досегашниот клуб на Лазаров, Атлетико Мадрид, даде двајца во најдобриот состав на лигата – кружниот напаѓач Хулен Агинагалде доби 52,2 %од гласовите, а средниот бек Јоан Кањељас 14,6 %.
Од гласовите на анкетираните за позицијата десен бек на која настапува македонскиот интернационалец во идеалната седморка влезе Алекс Душебаев, кој минатата сезона играше во Арагон и доби 27,4 % од гласовите.
Виран Морос од Барселона е прогласен за најдобар дефанзивец, Гонзало Порас од Ваљадолид е најдобар дебитант, а Хесус Гонзалез од Натурхаус Ла Роха е избран за најдобар тренер.