Тојота објави први фотографии и технички податоци за редизајнираниот модел Јарис за европскиот пазар.
Најголема промена на игзледот има на предиот дел на возилото, што е дизајниран во обликот на буквата Х, што Тојота првпат го примени на моделот Ајго. Сепак, кај Јарис тоа е нешто подискретно и доминира предната маска од ладилникот.
Редизајнирани се предните светла кои сега имаат дневни ЛЕД светла.
Промена има и на задниот дел, каде браникот има нова форма и дифузер на долниот дел, додека променета е светлосната група кои сега се со ЛЕД технологија.
Во понуда се четири нови 15 и 16 инчни алуминиумски фелни, како и електричнопридвижувани надворешни ретровизори.
Тојота наведува дека е зголемен квалитетот на материјалите во внатрешноста, така што сега изгледаат поубаво и се попријатни на допир, а достапни се и нови дезени и бои.
Во понудата се четири мотори. Најслабиот бензински 1,0 литарски трицилиндерски мотор со 69 коњски сили и помоќниот 1,33 литарски четирицилндерски мотор со 99 коњски сили. На располагање е дизел мотор со зафатнина од 1,4 литри и 90 коњски сили. Јарис Хибрид е опремен со 1,5 литарски бензински и електромотор со комбинирана моќност од 100 коњски сили.