Јапонската компанија Тојота соопшти дека новиот автомобил на водород, што ќе се најде во продажба во 2015 година, ќе чини околу седум милиони јени, односно 50.000 евра.
Тојота кон крајот на минатата година најави дека до 2015 година ќе почне со масовно производство на возило на водород. Еден од директорите Сатоши Огисо, нагласи дека тоа нема да биде автомобил за службеници и познати личности, туку возило за секојдневна употреба на обичните луѓе.
Како предност на возилата на водород, во споредба со елекртичните возила, јапонскиот експерт за автомобили Коичиро Имото наведува дека тие се полнат многу побрзо, како обични возила на гориво и дека можат да минат многу километри без повторно полнење.