Првиот финален натпревар меѓу МЗТ Скопје Аеродорм и Куманово од борбата за шампионската титула во кошаркарското првенство на Македонија се игра вечерва во Спортскиот Центар „Јане Сандански“ со почеток во 19 часот. Актуелниот шампион МЗТ Скопје Аеродорм одбраната на титулата ќе ја почне на домашен терен, што е голема предност врз основа на резултатите на тимовите одиграни досега.
„Предизвикувачот“ Куманово по цели 13 години игра финале на плеј офот, но кумановчани веќе направија едно изненадување во плеј офот победувајќи го освојувачот на Купот на Македонија Работнички. Притоа екипата на Куманово доколку сака да стигне до пехарот ќе мора да победи најмалку на еден натпревар во Скопје и со две домашни победи да се надева на шампионскиот пехар.
За МЗТ Скопје ова ќе биде 10-то финале во плеј офот, а имаат три титули (2012, 2013 и 2014 година), додека Куманово беше финалист само во 2002 година.
Оваа сезона меѓусебниот скор е 3-1 во победи за МЗТ Скопје. Финалната серија се игра кој прв до три победи со тоа што домаќинот наизменично ќе се менува (1-1-1-1-1), а доколку се играат пет натпревари шампионот ќе биде познат на 7 јуни.