Србија убедливо славеше во четвртфиналната пресметка со Бразил со 84:56 и се пласира во полуфиналето од СП 2014 што се одржува во Шпанија.
Избраниците на Александар Ѓорѓевиќ ја завршија групната фаза како четвртопласирани, најпрвин го совладаа составот на Грција во осминафиналето, за денеска да и одржат лекција и на селекцијата на Бразил, која делуваше моќно во досегашниот дел од шампионатот.
Милош Теодосиќ со 23 поени беше најпрецизен во таборот на Србија при овој убедлив триумф, пред Богдановиќ со 12 и Радуљица и Крстиќ по 10 поени.
Следен противник на Србите, ќе биде подобриот од последната четвртфинална пресметка меѓу домаќинот Шпанија и актуелниот европски првак Франција.