Словенечките кошаркари го победија Исланд со резултат од 87:79 во натпреварот од четвртото коло од Групата Д на Европското првенство и со тоа обезбедија место во нокаут фазата едно коло пред крајот на групното натпреварување.
Словенија има скор од 2-2 и обезбеди место во следната рунда поради подобриот резултат во меѓусебните натпревари со Белгија, додека Исланд го претрпе четвртиот последователен пораз и нема повеќе шанси за пласман.
Лука Дончиќ ја предводеше Словенија со 26 поени, седум скока и четири асистенции, Алексеј Николиќ имаше 17 поени и пет асистенции, додека Ален Омиќ даде осум поени и имаше 13 скока.