Словачкиот репрезентативец – Милан Шкринијар стана новото засилување на францускиот шампион – Пари Сен Жермен.
28-годишниот стопер дојде како „слободен агент“ и потпиша договор со раководството на клубот од Париз до летото 2028 година со плата од 9 милиони евра по сезона.
Словачкиот дефанзивец на тој начин ги остави без обештетување редовите на Интер, каде ги мина претходните шест сезони (246 одиграни натпревари – 11 постигнати голови) и ја освои титулата „Серија А“, како и по два трофеи во Купот на Италија и Италија Супер Куп.
Сега пред него е нов предизвик во францускиот клуб кој секоја година има највисоки можни амбиции и заедно со бразилскиот репрезентативец – Маркињос треба да формира исклучително квалитетен стоперски тандем.