Македонската фудбалска репрезентација направи скок од пет места на најновата рејтинг листа што денеска ја објави Светската фудбалска асоцијација – ФИФА.
Македонија на мартовското рангирање се наоѓа на 73.место со што продолжи напредокот на избраниците на селекторот Чедомир Јаневски кои веќе шести месец по ред го подобруваат својот пласман.
Од противниците на македонските фудбалери во квалификациската група за Светското првенство, најдобропласирана е Хрватска (9.место), Белгија е на 19.та позиција, Србија се наоѓа на 35.место, Шкотска е 66.та и Велс 71.ви.
Лидер на ФИФА листа е репрезентацијата на Шпанија пред Германија и Аргентина, а потоа следуваат Англија, Италија, Колумбија, Португалија, Холандија, Хрватска и Русија.
Следното рангирање ФИФА ќе го изврши на 11 април.