Тенисерот број еден во светот, Италијанецот Јаник Синер, се квалификуваше во осминафиналето на Вимблдон, откако го победи 52-от играч во светот, Педро Мартинез, Шпанија, во третото коло денес во Лондон, по три сета, со 6:1, 6:3, 6:1.
Натпреварот траеше еден час и 55 минути.
Синер шест пати го зеде сервисот на шпанскиот тенисер, додека Мартинез не освои ниту еден брејк.
Италијанскиот тенисер забележа 11 аса, додека Мартинез не освои ниту еден поен директно од сервисот.
Во осминафиналето, Синер ќе игра против победникот од дуелот помеѓу 21-от тенисер во светот, Бугаринот Григор Димитров, и 165-от играч во светот, Австриецот Себастијан Офнер.