Со победата во првиот меч од финалето во Дејвис купот Швајцарија поведе со 1:0 против Франција. Првиот поен за Швајцарците го освои Стан Вавринка, кој со 3:1 во сетови (6:1; 3:6; 6:3 и 6:2) го победи првиот француски играч Жо Вилфред Цонга.
По добриот старт и лесно освоениот прв сет Вавринка му дозволи на Цонга да се врати во мечот и да изедначи на 1:1, но во третиот и четвртиот сет Швајцарецот беше доминатен и успеа да ги замолкне и навивачите кои му даваат поддршка на домашниот тенисер.
Во вториот меч попладнево играат Гаел Монфис за Франција и Рожер Федерер за Швајцарија.