Швајцарската двојка Рожер Федерер/Станислас Вавринка и донесоа водство на својата репрезентација над домаќинот Франција од 2:1 во финалето на Дејвис купот, откако вечерва ги совладаа Жилијан Бенето/Ришар Гаске со 3-0 во сетови.
Во првиот сет Швајцарците беа подобри со 6:3, нешто понеизвесно беше во вториот сет кој заврши 7:5, додека во третиот сет домашната двојка стигна до четири гема.
На Швајцарија и е потребна само уште една победа за да дојде до првата титула во репрезентативното светско тениско натпреварување.
Утре на програмата се нови поединечни натпревари, по кои ќе биде познат и победникот на годинешното издание на Дејвис купот. Во првиот дуел ќе играат Рожер Федерер и Вилфред Цонга, а ако е потребно за титулата ќе решаваат вавринка и Гаел Монфис.